Рубрика • Древности •

Мошев А.В. Торжество христианской веры. 2005.

Память о св. Стефане сохранилась не только в «Житии», но и в многочисленных народных преданиях. Примерно в XVIII веке одно из таких преданий было записано и включено в Вычегодско-Вымскую летопись. Текст ее утрачен, но в 1927 г. исследователь П. Доронин скопировал с нее список, датированный XIX веком. В 50-х годах он был напечатан в Сыктывкаре в филологическом сборнике малым тиражом и впоследствии целиком не публиковался. Текст ниже дается в сокращении, расставлены некоторые знаки препинания. Слова, объясненные в словаре (см. в конце), выделены в тексте.

Месяца апрелия в 26 день еже во святых отца нашего Стефана епископа пермского чюдотворца и о приходе его из Руси в Пермскую страну на Устьвым и о устроении места и о низложении идолопоклонной веры и о сокрушении кумирницы

«… И изучився святы (Стефан) сам пермскому языку, и грамоту сложи, и азбуку незнаему по преложению пермскаго языка и книги написа, и немалу имеи печаль о пермстей стране, како и где и в которых приделех и промеж какими реками, и како бы достигнути, и ту живущия люди от идолопоклонения обратити ко истинней христовей вере, и в богоразумие и во святое крещение привести…

И прииде на место нарицаемое Устьвым, водворися ту. Зане то бе место ему во всем по обычаю паче иных. Тогда бе лесно, но обаче Божиим изволением и молитвою святаго место то устройся велми прекрасно, якоже о том последи изявися. И помолився Господу Богу, нача обетати при древах, и келлию и дом молитвенный устрой, людем бо не бе живущим близу того места, и гдеже последи святыя церкви и епископия устройся, но яко за пол поприща живяху.

Бе же близ того места их пермян нечестивая кумирница, к ней же они часто прихождаху, мечты деюще, приносяще кто что хощет, и почитаху е яко бога. Святый же, видя их приходящих к той кумирнице, оглаголоваше словом Божиим и учаше и обращая от прелести идольской ко истинной вере, они же нимало преклоняхуся, но вси помышляюще, и реша, яко сей пришедый старец хощет нас от веры нашея отвратить во свою веру, и крепляхуся, не бе бо в том месте много людей.

Во един же убо от дней приучися от тех людей неколиким быти в дубраве на работе далече для земляного поделия секущым лес. И пребывшим тамо яко и до десяти дней. Который же быша древний и престарелый идолопоклонницы в домех оглаголуемыми от святаго Стефана, и нача в них вселятися страх Божий и помалу времени един по единому преклонятися ко святей вере, а от своея помраченный веры начата преклонятися, и прихождаху в богоразумие, и крестишася во имя Отца и Сына и Святаго Духа, яко и до десяти мужей.

Егда же тии приидоша из дубравы и познаша что инии от них обратишася во святую веру и крестишася, чающе что оглаголуеми от святаго отца, и начата о том негодовати, и гневатися… И шедше по реке Вычегде на место именуема Вишера, и по реке Выме на место именуема Княжъ погост. Ту бо живяху старый Пансотник и пермяне, и возвестиша им о себе и о святем Стефане, како прииде и что действует все поряду. Пан сотник же собрав много людей яко и до тысящи и более, и собравшеся приплывше на устие Выми реки, и сташа на брезе, и начата о том зле советовати. Како бы святаго оттуду изгнати, дабы их вера и безбожная кумирница вконец не разорена будет.

И поиде Пансотник и с ним людие пермские к пребывалищу святаго. И начата еде наступати, хотяху и келию разбити и святаго отгонити или смерти придати, несяху с собою всяк дреколие и луки и стрелы. Но святый видя их тако ярящихся, а сам нимало от таковаго их злаго нападения убояся, но силою Божиею запретив им, и абие вси во един час ослепоша и неможаху видити един другаго, кто и где бе. И ничтоже можаху святому зла содеяти. Занеже Господь Бог соблюдайте святаго. И начата они, Пансотник и иже с ним пермяне идолопоклонницы, молити святаго, дабы Господу Богу молился о их. И дарове и посулы, обещах ему и поделив на себе налагающе, и реша ему: да не изгоним тебе отсюду. Но святый вся сия дары и посулы ничтоже требуя от них, но токмо по их прошению даде им поделив еже близу того места от келии святаго под оною горою на лузе сети лес и место то очистити. Бе бо на том лузе лес, яко и двум человеком едва обняти. Пансотник же и с ним пермскии идолопоклонницы сие с радостию обещахуся соделати и предел такому поделию вземши. Святый же помолився Господеви и абие вси во един час прозреша, и в радости начата на том лузе лес сечи, и по три дни толиким множеством людей пришедших пермян, яко до тысяща и более мужей секущим, очистиша его якоже годе святому….

И начата они пермяне к пути ятися, и в той час на брезе раскаяхуся и глаголаху: яко много святому безмездно соделахом, сами же утрудишеся и одеждам на них таковей работе придравшимся. И начата о найме сетовать, зело бо о найме стужиша и поденное на якие у Пансотника просяще и гневахуся на Пансотника велми и глаголаху: яко ты нас поработил еси новопришедшему сему старцу. А что прежде в казни и во ослеплении святому обещашася, то все ни во что вмениша. Пансотник и с ним мнози идолопоклонницы пермстии пошли на святаго Стефана, несяху с собою луки и стрелы и дреколие, и на келлию возлезоша, хотяще ю разломати, а инии в стену ударяюще, а инии луки напрягающе, хотяще святаго от места того отгонити и с ним новокрестившихся людей всех купно смертию придяху, и глаголаху: «Да не можете ни един от нас живы избежати». Святый же ни мало убояся и не бгужи, и рече к новокрещеным перйяном: «О людие, братия, не печалуйте и не убоитеся, но имеем надежду на Господа Бога да избавит нас Он от всякого зла. И не моги стерпети таковаго нашествия идолопоклонников и всякаго прещения и паки помолився святый, вси тии идолопоклонницы во един час ослепоша, кто и где бе…

По три бо дни работаша и не бе има что ясти, и приидоша ко святому и просиша себе пищи. Святый же помыслив, что на толик народ яко более тысящи, откуду взяти брашно, понеже не имея много того брашна. Обаче возложь надежду на Господа Бога, елико име предложи им точию три хлебы и три рыбы сухия и пития сосуд. И благословив брашно то, вдаде има, дабы има было всем до сытости. Они же, пермяне, приемше брашно то, мыс ляху яко и десяти мужем не быти довольным сим малым брашно, и начаша ясти и вси насытишася до избытка, и в сытости яде тоя работах три дни не ослабевающе донележе место гору устроиша. О пищи же той сами удивляющися. И поидоша на брег ко своим ладеицам и хотяху ехат кождо восвояси».

Но опять вдруг решили пермяне взять плату за труд и изгнать монаха. И снова: ослепление, прощение. Пришлось язычникам окапывать еще одну гору, на другой стороне реки. Но и потом все повторилось…

«Святый же Стефан нимало воспомянув их всякаго злодеяния, видя бо что уже преклонены к страху Божию и не имут инако прозрети аще не обратяся в богоразумие и не приступят во святое крещение, и радуяся о сем яко хощет Бог ему святому желаемое исполнити. Многое бо брався и терпением победив. Тем же рече: «Аще не креститеся во имя Отца и Сына и Святаго Духа и не восхощете познати Святую Троицу, не имате прозрети». Они же со слезами вопиялу: «Воистинну хощем познати святую веру и креститися, точию да прозрим всецели». Святый же, видя их непреложный разум и обет, помолився Господеви и паки вси идолопоклонницы пермстии в той час абие ясно очима всецели прозревше, да не токмо очима, но и сердечною мыслию к Богу прибегоша и возопиша со слезами: велик и долготерпелив Господь Бог и ты святый отче, яко великия досады тебе нанесохом. Ты же, святче Божий, ни о чем нам стужив, но вся сладце, Стефане. И мнози яко и тысяща мужей в радости крестишася во имя Отца и Сына и Святаго Духа. Пансотник же и с ним мало людей, еще не восхотеша креститися, отидоша. И иже крестившиеся вси тии начаша ко святому приходити часто и поучатися и слышати Божественная Писания и взирати на святую службу, и нача стадо Христово умножатися. Святый же велми о сем радостен, яко много брався и победил противников. И не помнозе времени на ону гору, юже преждереченнии идолопоклонницы поделаша, на том месте он святый Стефан церковь построив по имя пресвятыя Богородицы Честнаго ея Благовещения.

Стефан Пермский увлекает за собой в огонь зырянского волхва Пама. Журнал Нива. Художник К.Лебедев

Во един же от деней восхоте святый Стефан идолопоклонную кумирницу искорените, а вместо тоя ку мирницы устроить божественное служение и монастырь возградить. Бе бо идолопоклоннаая кумирница при древе, рекомое береза. Древо же то велико, яко трем человекам едва обнята, бе же велми прокудливо и православным людем на велию пакость, много бо у того древа всякаго их идолопоклонников приношения животных, много звериных кож. Но святый вся сия ни во что вменив и не едино же от сих взем, но восхоте вся огню предати. Некогда бо явися ему Господь Бог в нощи и повеле тую кумирницу доконца не боязненно искоренить, а в то место устроить божественное обитателище.

И помолився святый Господеви, прииде и нача тую кумирницу и оную березу сечь. И в поте трудися секии, от древа же того слышахуся многия и различный гласы и вопли и пискания мужескими и женскими и младых отрочат воздушных не чистых духов, и речения яко изгонявши нас отсюду яко наше древнее обитателище. Святый же нимало убояся таковаго острахования, но с молением секий. От древа же того в сечиве и крови текшей овогда синя, овогда зелено, и всякими виды. И не возможе святый древо то за величеством пресечь. Отыде, секиру же оставль при том древе воткнену.

И в другий день паки святый прииде и обрете древо то всецело стоящо, секира же при том древе на земли лежит. Святый же удивился и многи с ним люди новокрещении стояще дивляхуся и мняху: оттого древа святому каковые пакости не ключилось. Они, пермяне идолопоклонницы, издавна зело ю почитаху яко бога, и приношаху и привешиваху, а никто же смеяше оттуду взяти, но и в помысле сего не дерзаху делати или пресечи хотя малую ветвь или уторгнути, аще ли кто что от древа того да возмет или отторгнет и зато великую казнь таковый да воспримет – искрятает бо и изломает нечестивая воздушная сила. Но святый Стефан надеяся на Господа Бога небоязненно. Паки помолився Господеви, нача сечи трудяся от утра и до вечера, в поте секии. Вопли же и кричания всем слышахуся от древа того лишше перваго, и человечески кричаху воздушнии нечистии дуси: «Гониши нас отсюду Стефане, а сие наше есть древнее пребывание и за величеством еще не пресечеся». В другую бо нощь паки явися Господь Бог, глагола святому: «Дерзай и не бойся, Аз ти повелеваю, изкорени и изпепели, аще ли не соделаеши, то велика обида от тоя кумирницы в пред будущим родом верным людем будет».

Святый на утриие востав и помолився Господу Богу, паки нача сечи якоже и прежде. Егда же приближашеся, что уже к подению пресекшися, собра святый единоверных всех близу себе сущих, каково будет падение древа того прокудливаго, мня некоего знамения. Древо же то, подсекшися, паде с воплем и многим кричанием и вихром, яко и земли потрястися и водам близу места того восколебатися. Святый же повеле древо то на части аки на дрова сечь, и сам секи. Егдаже изсекоша, нача собирати в грамаду и класти долу сухих дров, а поверх того древа насеченное дровие накладе и сухия соломы зажже, дабы сгорело сие и с привесами оными. Егдаже зажже, тогда всем людям, ту сущым, повеле с мотыками и лыскари стояти, и заповеда: «Ащели что из пламени того да проскочит, дабы вметать во огнь». Пламя же велми зияя, и вся ссоре. И тако сконча святый Стефан безбожную идолопоклонную кумирницу. И на том месте святый восхоте и церков воздвиже во имя святых архистратигов Михаила и Гавриила и прочих небесных сил, да победят мечтателную силу вражию, и монастырь устроив, последи же и другую церковь во имя великаго святителя Николы Чюдотворца поставль во славу Христа Бога Нашего и на похвалу в предбудущым родом.

Аминь».

СЛОВАРЬ МАЛОПОНЯТНЫХ СЛОВ:

• бяше, бе – был
• бо – ибо; убо – итак, следовательно, воистину
• яже – который (-ый, -ые)
• зане – ибо, итак
• обаче – однако, впрочем, подлинно
• последи – впоследствии
• поприще – мера в 1 тыс. шагов
• понеже – потому что
• абие – тотчас, внезапно
• на лузе – на лугу
• к пути ятися – в путь собираться (ятися – ухватиться, взять)
• стужиша – стыдили, досаждали
• прещение – угроза
• паки – опять, еще
• туне – напрасно
• точию – только
• донележе – доколе, пока
• искрятает- исковеркает
• с мотыками и лыскари – с заступами, лопатами

← Предыдущая публикация     Следующая публикация →
Оглавление выпуска