Рубрика • Молитвенник •

Архистратиг Михаил. Икона Симона Ушакова

Молитва святому Архистратигу МИХАИЛУ

Святый и великий Архангеле Божий Михаиле, неисповедимыя и пресущественныя Троицы первый во Ангелех предстоятелю, рода же человеческаго приставниче и хранителю, сокрушивый с воинствы своими главу прегордаго денницы на небеси и посрамляяй выну злобу и коварства его на земли! К тебе прибегаем с верою и тебе молимся с любовию, буди щит несокрушим и забрало твердо святей Церкви и православному отечествию нашему, ограждая их молниеносным мечем твоим от всех враг видимых и невидимых. Буди вождь и соратай непобедим Христолюбивому воинству нашему, вечная его славою и победами над супостаты, да познают вси противляющиися нам, яко с нами Бог и святии Ангели Его. Не остави же, о Архангеле Божий, помощию и заступлением твоим и нас, прославляющих днесь святое имя твое: се бо аще и многогрешнии есмы, обаче не хощем в беззакониих наших погибнути, но еже обратитися ко Господу и оживленным быта от Него на дела благая. Озари ум наш светом Божиим, иже выну сияет на молниевидном челе твоем, да возможет разумети, что есть воля Божия о нас благая и совершенная, и ведети вся, яже подобает нам творити и яже презирата и оставлята. Укрепи благодатию Господнею слабую волю и немощное произволение наше, да, утвердившеся в законе Господнем, престанем прочее влаятися земными помыслы, и похотеньми плоти, увлекающеся, по подобию несмышленных детей, скорогибнущими красотами мира сего, яко ради тленнаго и земнаго безумие забывати вечная и небесная. Над всеми же сими испроси нам свыше дух истиннаго покаяния, нелицемерную печаль по Бозе и сокрушение о гресех наших, да остающее нам число дней временнаго живота нашего иждивем не во угождении чувств и работе отрастем нашим, но во изглаждении зол, содеянных нами, слезами веры и сокрушения сердечнаго, подвигами чистоты и святыми делами милосердия. Егдаже приблизится час скончания нашего и свобождения от уз бреннаго сего телесе, не остави нас, Архангеле Божий, беззащитных противу духов злобы поднебесных, обыкших преграждати души человечестей восход в горняя: да, охраняеми тобою, безпреткновенно достигнем оных преславных селений райских, идеже несть печаль, ни воздыхание, но жизнь безконечная, и сподобльшеся узрети пресветлое лице всеблагаго Господа и Владыки нашего, падше со слезами у ногу Его, в радости и умилении воскликнем: слава Тебе, дражайший Искупителю наш, Иже за премногую любовь Твою к нам недостойным благоволил еси послати Ангелы Твоя в служение спасению нашему. Аминь.

Молитва всем святым и Бесплотным Небесным Силам

Всеблаженнии и пресветлии дуси, Архангелов, Ангелов и всех небесных сил пречестнии чинове, выну предстоящий Пресвятей и Пребожественней Троице, и светом присносущныя славы озаряемии, непрестанно славословящий имя Ея! К вам прибегаем с молитвою и молением: предстательствуйте за нас у престола Господа Вседержителя, и яко служителие благодати, всем хотящим наследовати спасение вспомоществующий, и о единем грешнице кающемся веселящийся, споспешествуйте нам в благочестном провождении временнаго жития нашего и утвердите стопы наша на пути спасения. Преславнии и богосветлии дуси праведных, святии Божии, на земли во плоти богоугодне жительствовавший, и ныне на небеси со Ангелы ликовствующии, честнии пророцы, предвозвестивший дни избавления нашего, предтече Господень, проповедавший агнца Божия, вземлющаго грех мира, и сподобивыйся крестати Источника святыни во струях Иорданских; Апостоли Христовы, богоутвержденнии столпи Церкве, весь мир спасительным учением Христовым просветивший, и богомудрыми и священными законы Церковь Христову неподвижно утвердивший; святателие и пастырие стада Христова, молитвами и священнодействием святых и божественных тайн верныя вся очистившии и путем заповедей Господних ходити я научившии; страстотерпци Христовы и мученицы, пред Владыки и Цари Христа Бога благодерзновенно исповедавший и честную кровь свою за Него пролиявшии; преподобнии и праведнии, тесным и скорбным путем течение свое совершивший, и умерщвлением плота и страстей Христу сраспявшиися, молим вас, присноблаженнии: испросите нам у Христа Бога нашего оставление грехов, исправление жития и вся благая, к временной и вечной жизни потребная. О пречестный и преславний соборе святых Божиих, безплотнии Ангеле и во плоти пожившии и Богу угодившии, предстателие наши и молитвенницы, боголюбезно воззрите на ны и на земную юдоль нашу, помяните нас странствующих и пришельствующих и дарованною вам от Бога благодатию и силою руководите нас к небесному отечеству, укрепите нашу немощь, оградите нас от искушений и соблазнов, сохраните от грехопадений, возбудите в нас святую любовь ко Господу и ревность о спасении нашем, насадите в сердцах наших страх Божественный, направите стопы наши к деланию заповедей Христовых и к исполнению воли Божией благой и совершенней. Сотворите, святии Божии, еже житии нам целомудренно и праведно и благочестно в нынешнем веце; присно же памятовати час смертный и страшное второе пришествие Господа Бога и Спаса нашего Иисуса Христа, да благодатию и человеколюбием Его соблюдаеми и спасаеми и мы грешнии и недостойнии сподобимся в небесном Царствии купно с вами покланятися престолу Божию, и благодарно и всерадостно славословита Пресвятую, Животворящую и Нераздельную Троицу, Отца и Сына и Святаго Духа во веки веков. Аминь.

← Предыдущая публикация     Оглавление выпуска