Икона Стефана Пермского

Молитвы святителю Стефану, епископу Пермскому

О Богоосвященный и равноапостольный Стефане, новый Боговедения проповедниче и просветителю Крещением святым великопермских, во идолопоклонстве живущих людий, ко истинному Евангельскому свету путеводителю, пастырю добрый и учителю премудрый, Духа Святаго сосуде избранный, Христоподражательный в Небесный Сион наставниче и руководителю, образ благонравия всем, благочестно жити желающим, благоискусный мысленнаго корабля, чрез море мира сего к Небесному пристанищу плавающаго, правителю, дивный во иерарсех, увенчанный Божественною благодатию, всероссийский светильниче, великий чудотворче и молитвенниче теплый! К тебе во умилении сердца моего, аз, окаянный и грешный (имярек), благонадежно притекаю и вопию, прося, смиренный, помощи твоея и теплаго ко Преблагому Богу ходатайства, да твоими Богоприятными молитвами испросиши ми от Него человеколюбную милость, оставление многих моих согрешений, души и телеси здравие со спасением, и, яко Благ и Человеколюбец, да благоволит безбедно в мире сем ходити ми до скончания живота моего, во время же разлучения моего от жизни сея дух мой в покаянии и мире Ангелом Своим святым милостивно прияти, да даст ми мимо мрачных, и злоковарных, и лютых духов демонских на воздусе проити невозбранно, и к Нему непостыдно предстати поклонитися, и безсмертныя и блаженныя жизни сподобитися со всеми святыми во веки. Аминь.

ТРОПАРЬ, глас 4-й:

Божественным желанием, от юнаго возраста, Стефане премудре, разжегся, ярем Христов взял еси, и людей оляденевшая древле неверием сердца, Божественное семя в них сеяв, Евангельски духом вне породил еси. Темже преславную твою память почитающе, молим тя: моли, Егоже проповедал еси, да спасет души наша.

КОНДАК, глас 8-й:

Самозванен не имущим тебе, святителю, обрелся еси, люди, от идольския лести свободив, ко Христове вере привел еси, и волхва пансотника посрамил еси, темже и первый епископ и учитель Перми был еси. Сего ради духовная твоя чада, яко тобою избавльшеся от идол, благодарная тебе возопием: радуйся, Стефане, учителю премудрый.

МОЛИТВЫ НА СЛАВЯНСКОМ И КОМИ ЯЗЫКАХ

Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.

Святый Боже, Святый Крепкий, Святый Безсмертный, помилуй нас.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Слава Отцу и Сыну и Святому Духу, и ныне, и присно, и во веки веков. Аминь.

***

Господьöй, Иисус Христосöй, Ен Пиöй, Тэнад зэв Сöстöм Мам и став святöйяс кэвмöмъяс кузя, помилуйт миянöс. Аминь.

Святöй Енмöй, Святöй Вынаöй, Святöй Кувтöмöй, помилуйт миянöс.

Пресвятой Троица, помилуйт миянöс; Господьöй, весав миянлысь грекъяс; Ыджыдöй, простит миянлысь омöль керöмъяс; Святöй, лок и бурдöд миянлысь висьöмъяс, Ас нимыд кузя.

Слава Батьлы, Пилы и Свят Духлы, öнi, пыр и нэм чöж. Аминь.

← Предыдущая публикация    Оглавление выпуска